ՏԵՍԱՆՅՈՒԹ․ Պարտության և պատերազմի խորհրդանիշ ուժը չի՛ կարող ապահովել խաղաղություն. Իշխան Սաղաթելյան

Պարտության և պատերազմի խորհրդանիշ ուժը չի՛ կարող ապահովել խաղաղություն՝ ըստ Yerkir.am-ի ասաց ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը Հայ Յեղափոխական Դաշնակցության 34-րդ Ընդհանուր ժողովի բացման պաշտոնական արարողության ժամանակ։

Ներկայացնում ենք մի հատված ելույթից։

Այս իշխանությունը աղետաբեր է Արցախի, Հայաստանի  և հայության համար։ Պարտության և պատերազմի խորհրդանիշ ուժը չի կարող ապահովել խաղաղություն, անվտանգություն, բարեկեցություն:

Հայաստանում ստեղծված իրավիճակը պետք է փոխվի,  պետք է փոխվի ժողովրդի վճռական կամքով և ազգային ուժերի առաջնորդությամբ:

Պարտության և պատերազմի խորհրդանիշ վարչախումբը հեռացվելու՛ է։ 

 Մեր երկիրը  պետք է ունենա   ազգային  իշխանություն,  որը կկասեցնի պետականության կործանման այս ընթացքը, որը կապահովի երկրի սահմանների անձեռնմխելիությունը և տարածքային ամբողջականությունը, կհաստատի արժանապատիվ խաղաղություն, Հայաստանը կդարձնի արժանապատիվ  և բարեկեցիկ  երկիր: