Թուրքիան Ուկրաինայից ստացավ այն ամենը, ինչ ուզում էր. Regnum

Թուրքիային հաջողվեց Ուկրաինայի հետ կնքել պայմանագրեր, որոնք չափազանց շահավետ են նրա տնտեսության համար։ Այս մասին REGNUM-ի թղթակցին ասել է քաղաքագետ, «Русский Ориенталист» թելեգրամյան ալիքի հեղինակ Իգոր Դիմիտրիևը։

Փորձագետն ընդգծել է, որ Թուրքիայի համար չափազանց կարևոր է շտկել արտաքին առևտրի անհավասարակշռությունը. թուրքական ապրանքների արտահանումը պետք է հավասար լինի կամ նույնիսկ գերազանցի հումքի, առաջին հերթին՝ նավթի և գազի ներմուծմանը։ Դրա համար Թուրքիան պետք է նոր շուկաներ ստանա թուրքական ապրանքների համար։ Ուկրաինայի հետ վերջին տնտեսական համաձայնագրերը հենց այս նպատակին են ծառայում։

«Այն ամենին, ինչին պետք էր, նրանք հասան Ուկրաինայում: Նրանք մուտք գործեցին արդյունաբերական ձեռնարկություններ և ուկրաինական շուկա՝ ոչ թե ամենաշատ փող ունեցող, ոչ ամենահարուստ, այլ բավականին մարդաշատ: Իսկ թուրքական քաղաքականության արդյունքներն ակնհայտ են»,- ասել է քաղաքագետը։

Հիշեցնենք, որ փետրվարի 3-ին Թուրքիայի և Ուկրաինայի միջև ստորագրվել է ազատ առևտրի մասին համաձայնագիր, որի համաձայն՝ թուրքական ապրանքների մուտքը ուկրաինական շուկա զգալիորեն կհեշտանա։