Նախիջևանում խաղաղ է. ադրբեջանական ՊՆ-ի արձագանքը` Regnum-ին

Regnum գործակալությունն այսօր, վկայակոչելով ադրբեջանական լրատվամիջոցները, տեղեկատվություն էր տարածել, թե Նախիջեւանի Ինքնավար Հանրապետության Ջուլֆայի շրջանի Լակադաղ գյուղի ուղղությամբ հայկական զինված ուժերը հարձակման են անցել, եւ ադրբեջանական կողմից զոհեր կան:

Yerkir.am-ն կապվել է  ՀՀ պաշտպանության նախարարի մամլո խոսնակ Արծրուն Հովհաննիսյանի հետ, ով նշել է, որ  «դա աբսուրդ է, չկա նման բան, դա ապատեղեկատվություն է»:

Ինչպես արդեն նշել ենք,  նման սադրիչ տեղեկատվությամբ ադրբեջանական կողմը փորձում է սրել իրավիճակը հայ-ադրբեջանական զորքերի շփման գծում, նաեւ ինչպես ենթադրվում էր, ըստ էության, ադրբեջանական կողմը հայտնում է այն զոհերի մասին, որ ունեցել էր Երասխի ուղղությամբ կատարած ոտնձգությունների օրը: 

Ուշագրավ է, որ, ադրբեջանական haqqin.az-ի համաձայն, անգամ Ադրբեջանի պաշտպանության նախարարությունն է հերքել այդ տեղեկությունը: «Նախիջևանում  խաղաղ է, և բանակն ամբողջությամբ վերահսկում է իրավիճակը»,- ասել են ՊՆ-ում: