Ինչո՞ւ՝ Ռուբինյանը, երբ խոսվել է նրա՝ գործակալ լինելու և Թուրքիայում ուսումնառության մասին․ Խամոյան

Ինձ անկեղծորեն զարմացնում են Ռուբեն Ռուբինյանի զարմանքն ու զայրույթը, թե մենք ինչու ենք փորձում հետաքրքրվել և հանրությանն, ի վերջո, պարզաբանել, թե ինչ գործընթաց է տեղի ունենում Հայաստանի և Թուրքիայի միջև, Ազգային ժողովում ելույթի ժամանակ ասաց «Հայաստան» խմբակցության պատգամավոր Ագնեսա Խամոյանը։

«Երբ Ռուբեն Ռուբինյանը հայտարարում է, որ որևէ գործընթացի մասին մենք չենք իմացել Թուրքիայից, ես ուզում եմ հիշեցնել, որ հատուկ բանագնացի մասին հայտարարել է Չավուշօղլուն, հաջորդ օրը մեր ԱԳՆ-ն նոր հաստատել է։ Հարցս շատ պարզ էր՝ ի՞նչ դրական և կառուցողական մթնոլորտի մասին է խոսքը, որովհետև մենք դրա դառը փորձն ունենք։ Նիկոլ Փաշինյանը Ղարաբաղյան հակամարտության կարգավորման փորձերի  ժամանակ Ալիևի հետ ծանոթությունից հետո հայտարարում էր, որ դրական և կառուցողական մթնոլորտում են անցնում հանդիպումները, այս ամբիոնից հայտարարում էր՝ ինչ ուզում, այն էլ բանակցում ենք։ Հիմա դուք Թուրքիայի հետ հարաբերությունները նույն սկզբունքով և նույն տրամաբանությամբ եք, ըստ էության, փաթեթավորում»,- ասաց պատգամավորը։