Թուրքիայում մահացել է գաղտնի գործակալ լինելու մեջ մեղադրվող ամերիկացի լրագրող

Շանլըուրֆայի (Ուրֆա) Սուրուչ քաղաքում ավտովթարի հետևանքով մահացել է ծագումով իրանցի` 30-ամյա ամերիկացի լրագրող Սերենա Շիմը:

Ըստ Haberler-ի` ավտովթարը տեղի է ունեցել երեկոյան ժամերին Ալիգյոր թաղամասում: Ըստ պնդումների` Իրանում հեռարձակվող Press TV-ի լրագրող Սերենա Շիմի ու օպերատոր Ժուդի Իրիշի վարձակալած մեքենան բախվել է ճամփեզրին կայանած` բետոն հարող հսկա մեքենային: Լրագրողը տեղում մահացել է, իսկ օպերատորը` վիրավորվել:

Հայտնի է դարձել, որ նրանք Սուրուչում են գտնվել Քոբանիի իրադարձությունները լուսաբանելու համար:

Սերենան մահից երկու օր առաջ հայտնել էր, որ իր հրապարակած լուրերի պատճառով Թուրքիայում մեղադրվում է գաղտնի գործակալ լինելու մեջ: