ՏԵՍԱՆՅՈւԹ․ Վարդենիսի համայնքապետ Ահարոն Խաչատրյանը երդվեց բակում, քանի որ ոստիկանները ներս չէին թողնում

Վարդենիսի համայնքապետ Ահարոն Խաչատրյանը երդվեց համայնքապետարանի բակում, քանի որ ոստիկանները ներս չէին թողնում՝ հայտնում է Yerkir.am-ը։

Արարողակարգային նիստն իրավազոր էր, քանի որ ներկայացել և գրացվել էին ավագանու անդամների կեսից ավելին։

Հնչեց օրհներգը և Ահարոն Խաչատրյանն արտաբերեց երդման տեքստը, ապա հանդես եկավ ելույթով։

Նշենք, որ ընդդիմադիրների միասնական թեկնածու Ահարոն Խաչատրյանը Վարդենիսի համայնքապետ է ընտրվել դեկտեմբերի 30-ին՝ «Միասնական Վարդենիս» և «Ահարոն Խաչատրյան» դաշինքների կողմից՝ 14 քվեով։

Իշխող՝ ՔՊ-ական ավագանու անդամները չեն մասնակցել քվեարկությանը, իսկ ավել ուշ հանդես են եկել առաջարկով՝ չեղարկել ընտրությունների արդյունքերն ու նոր ընտրություններ անցկացնել, ապա դիմել վարչական դատարան՝ չեղարկելու դեկտեմբերի 30-ին կայացած համայնքապետի ընտրությունների արդյունքները։

Ընդդիմադիրները, սակայն, պատճառ չեն տեսնում նոր ընտրություն անցկացնելու, ստացել են համայնքապետարանի գլխավոր քարտուղարի ծանուցումը երդմնակալություն անցկացնելու մասին և անցկացնում են։

Մանրամասն՝ տեսանյութում․