ՏԵՍԱՆՅՈՒԹ․ Պետք է հասկանանք՝ ինչ են զիջել․ Իշխան Սաղաթելյանը՝ Բրյուսելի պայմանավորվածությունների մասին

Որևէ լավ բան ես չեմ սպասում Ալիև-Փաշինյան հանդիպումներից՝ ըստ Yerkir.am-ի ասաց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը ԱԺ-ում լրագրողների հետ զրույցում։

«Դուք ծանոթ եք Ալիևի հայտարարությանը, որը հղի է նոր վտանգներով՝ խոսքը Լաչինի միջանցքում մաքսակետ դնելու մասին է, և այդ ամեն ինչին ի պատասխան մենք ունենք Փաշինյանի մի հատ ֆեյսբուքյան գրառումը»,-նշեց նա։

Բրյուսելյան պայմանավորվածություններին անդրադառնալով՝ ասաց, որ պետք է հասկանանք՝ ինչ են զիջել։

«Կան գաղտնի և բանավոր պայմանավորվածություններ, երբ այս մասին շարունակ ասում ենք՝ ժխտում են, ասում են՝ չկա նման բան, հետո պարզվում է դա արդեն իրականություն է։ Դրա լավագույն օրինակներից մեկը այս հայ-թուրքական սիրախաղն է։ Հիշո՞ւմ եք՝ քանի անգամ են հերքել, որ գոյություն ունի պրոցես, և ամեն անգամ մենք թուրքական կողմից տեղեկանում ենք նման «դրական ազդակների» ու գաղտնի պայմանավորվածությունների մասին»,-ասաց Իշխան Սաղաթելյանը։

Մանրամասն՝ տեսանյութում․