Հայ հասարակությունը թուրքական ու ադրբեջանական մամուլից է իմանում, թե իր երկրում ինչ է լինելու․ Աննա Գրիգորյան

Նախօրեին Թուրքիայի արտգործնախարարը հայտարարություն արեց, որ Թուրքիան և Հայաստանը հատուկ ներկայացուցիչներ կնշանակեն հարաբերությունների կարգավորման համար, ինչին արդեն այսօր հաջորդեց մեր արտաքին գործերի նախարարության հաղորդագրությունը, որտեղ ասվում է, որ Հայաստանը պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին։ Սա իրենից ի՞նչ է ենթադրում, ինչպիսի՞ն են լինելու այսօր այդ հարաբերությունները։

Հայ-թուրքական հարաբերությունների մասին միշտ էլ խոսք է գնացել։ Բայց հիմա ժամանակագրային առումով կա՞ առանձնահատկություն։ Եթե այսօր նման երկկողմանիհ հայտարարություններ են լինում, կարող ենք ենթադրել, որ մինչ այս ամեն դեպքում բանակցություններ տեղի են ունեցել։ Ինչո՞վ է պայմանավորված ձերբակալությունների այս նոր շղթան։ Այս և այլ հարցերի մասին Yerevan.Today-ի տաղավարում զրուցել ենք ՀՀ ԱԺ «Հայաստան» խմբակցության պատգամավոր Աննա Գրիգորյանի հետ։