Հայաստանում հաստատվել է կորոնավիրուսով վարակվելու 492 նոր դեպք. մահացել է 26 քաղաքացի

Հայաստանում նոյեմբերի 21-ին՝ ժամը 11:00-ի դրությամբ նոր կորոնավիրուսով վարակվելու 492 նոր դեպք է գրանցվել, վարակվածների ընդհանուր թիվը հասել է 334075 դեպքի: Այս մասին Yerkir.am-ին հայտնեցին ՀՀ ԱՆ հիվանդությունների և վերահսկման և կանխարգելման ազգային կենտրոնից:

Ընդհանուր թեստերի թիվը կազմում է 2 306 456 վերջին մեկ օրում` 7436 նոր թեստավորում:

Փաստացի այս պահին բուժվում է 19781 պացիենտ. Մեկ օրում նվազել է 1594-ով:

Վերջին տվյալներով ապաքինվել է 305 611 անձ` վերջին մեկ օրում 1594 անձ:

Մեկ օրում կորոնավիրուսի հետևանքով մահացել է 25  քաղաքացի, մահացածների թիվը 7278 է:

Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 1405 է: