Ըստ Էրդողանի՝ Հունաստանը վերածվել է ԱՄՆ ֆորպոստի

Հունաստանը դարձել է ԱՄՆ ֆորպոստը՝ թույլ տալով Ալեքսանդրուպոլիս քաղաքում ամերիկյան ռազմաբազա հիմնել։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։

«Հունաստանի ռազմակայաններից օգտվում են Միացյալ Նահանգները։ Դրանք այնքան շատ են, որ հնարավոր չէ հաշվել։ Հունաստանը գործնականում դարձել է Ամերիկայի ֆորպոստը»,- ասել է նա:

Էրդողանը նշել է, որ չգիտի, թե որն է դրա պատճառը, և ԱՄՆ նախագահ Ջո Բայդենին հարց է ուղղել, սակայն պատասխան չի ստացել։ Նա նաև նշել է, որ Հունաստանի նման պահվածքը տարածաշրջանում սխալ է, քանի որ և՛ Հունաստանը, և՛ Ամերիկան պետք է բանակցեն Թուրքիայի հետ, քանի որ ՆԱՏՕ-ի անդամ են։

«Ֆինանսական աջակցության և ռազմական հզորության առումով՝ ԱՄՆ-ից հետո մենք ամենաշատ ներդրումն ունենք ՆԱՏՕ-ում։ Հունաստանը նույնիսկ մոտ չէ դրան։ Մենք տարածաշրջանի ապահովագրությունն ենք»,- հավելել է Էրդողանը։