Կարելի է հանգիստ եզրահանգել, որ այս ամենն արվում է կայացած լրատվամիջոցներին ճնշելու համար․ Նազարյան

Շատ եմ ցանկանում, որ դուք լրատվամիջոցներին հստակ  բացատրեք, թե այս փոփոխությունների, ձեր առաջարկությունների հիմնական նպատակը որն է. Ազգային ժողովում դիմելով իշխանական պատգամավոր Արթուր Հովհաննիսյանին` ասաց «Հայաստան» խմբակցության պատագմավոր Գեղամ Նազարյանը։

«Շատ հետաքրքիր հարց է առաջանում՝ եթե լրատվամիջոցին պարտադրում եք հղում անել նույնականացված աղբյուրին, բայց համացանցը լեցուն է տարբեր անուններով կայքերով, որոնք ինչ ուզում՝ գրում են։ Այսինքն` իրենք այդ ինֆորմացիան տարածում են և որևէ խնդիր չունեն, իսկ լրատվամիջոցը ստիպված է խնդիր ունենալ։ Ի՞նչ խնդիր են լուծելու ձեր ներկայացրած փոփոխությունները»։

Հիշեցնենք, որ ԱԺ-ում քննարկվում էր «Զանգվածային լրատվության մասին օրենքում» փոփոխությունների նախագիծը, որով սահմանվում է՝ չնույնականացված աղբյուրներին հղում տալու դեպքում ԶԼՄ-ն կրում է տեղեկատվության բովանդակության պատասխանատվությունը։

Մանրամասն՝ տեսանյութում։