Սյունիքում ադրբեջանցիները լայնածավալ շինարարական աշխատանքներ են իրականացնում. Աննա Գրիգորյան

«Հայաստան » խմբակցության պատգամավոր Աննա Գրիգորյանը ԱԺ ամբիոնից հնչեցրած ելույթում նշեց, որ  խորհրդարանում քննարկվող  թիվ մեկ օրակարգային հարցը պետք է լինի ոչ թե  Հարկային օրենսգրքում փոփոխություններ կատարելը, «Պետական տուրքի մասին» օրենքում փոփոխություններ կատարելը, այլ անվտանգային  խնդիրները:

«Սյունիքում իրավիճակը, նախորդ նստաշրջանից հետո,  որևէ դրական առաջընթաց չի ունեցել,   այլ հակառակը՝ այսօր  ադրբեջանցիները լայնածավալ  շինաշխատանքներ են իրականացնում  այնտեղ, որևէ մեկը պատկերացում ունի՞ ինչ են կառուցում,  և ինչ նոր վտանգներ կարող են ստեղծել այդ շինաշխատանքները մեր հայրեակիցների համար:  Նախորդ նստաշրջանից հետո, երբ մենք բարձրաձայնեցինք  մաքսակետի տեղադրման մասին, դրանից հետո մեր հայրենակիցները նույնիսկ առևանգվում էին այդ ճանապարհահատվածից,  և դրա պատասխանատուն մինչև այսօր պարզ չէ, թե ով է:  Ավելին՝  այս հարցով դիմել եմ բազմաթիվ գերատեսչությունների,  և բոլորը նույն պատասխանն են տվել՝ ասելով, որ իրենց լիազորություններից դուրս է:  Այսինքն՝ մեր երկրում մի կառույց չկա՞, որ մեզ կասի՝ ի վերջո, այդ ճանապարհով անցնելիս մեր հայրենակիցներն ո՞ւմ պետք է ապավինեն, ո՞վ է պատասխանատվություն կրում նրանց անվտանգության համար:  Ցավալիորեն, մարդիկ, որոնք 3 տարի առաջ ասում էին՝ մենք ենք տերը մեր երկրի,  այսօր ո՛չ երկրին են տեր կանգնում, ո՛չ էլ՝ ժողովրդին»,- նշեց Աննա Գրիգորյանը:

Մանրամասները՝ տեսանյութում: