Բայդենը մտադիր է վերացնել մահապատիժը ԱՄՆ-ում

ԱՄՆ նախագահ Ջո Բայդենը հավանություն է տալիս երկրում մահապատժի վերացմանը և կարևոր առաջընթաց է համարում նախօրեին հայտարարված մորատորիումը: Այս մասին ճեպազրույցի ժամանակ հայտնել է Սպիտակ տան խոսնակ Ջեն Փսակին հաղորդում է CBS News-ը:

Նա հիշեցրել է, որ պետության ղեկավարը նույնիսկ իր նախընտրական արշավի ընթացքում հասկացրել է, որ ցանկանում է դադարեցնել մահապատիժները:

«Նա ուրախ է տեսնել, որ գլխավոր դատախազը քայլեր է կատարում դեպի առաջ»,- ասել է Փսակին:

Միացյալ Նահանգների գլխավոր դատախազ Մերիկ Գարլանդը նախօրեին մորատորիում սահմանեց ամերիկյան օրենսդրության դաշնային մակարդակում կատարվող մահապատիժների նկատմամբ: