Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-06-22 14:35
Քաղաքական

Այս եղկելուն անդրադառնալն անգամ ինքնությունս է վիրավորում, բայց սա է այս իշխանության հավաքական մտածումն ու հոգեկերտվածքը. Լ. Գալստյանը՝ Դիջեյ Էդոյի մասին

Այս եղկելուն անդրադառնալն անգամ ինքնությունս է վիրավորում, բայց սա է այս իշխանության հավաքական մտածումն ու հոգեկերտվածքը. Լ. Գալստյանը՝ Դիջեյ Էդոյի մասին
ՀՅԴ Հայաստանի ԳՄ անդամ, «Հայաստան» դաշինքի պատգամավորի թեկնածու Լիլիթ Գալստյանը իր ֆեյսբուքյան էջում գրել է.

«էդուարդ աղաջանյան անունով ոչնչատեսիլ մի ստահակ, հավանաբար ոգևորված պաղպատյա մանդատի էֆեկտից, ինքնախոստովանական գրառում է արել․ «Ինտելեկտուալ ապուշներին հայ ժողովուրդը ծնկի բերեց»։ Վայրկենական նողկանքից բացի, այս անունը ոչինչ չի ասում։ Հիշեցնեմ՝ սա DJ-ի վահանակից կառավարության աշխատակազմ անցած սրբապիղծ մի դատարկություն է, դմփ-ի և հու-ի ջոկատավար, առավել հայտնի Աղաջանյանի կեղծ պապիկ օպերացիայով։
 
Իհարկե, կարելի էր և չանդրադառնալ սրան։ Այս եղկելուն անդրադառնալն անգամ ինքնությունս է վիրավորում, բայց սա է այս իշխանության հավաքական մտածումն ու հոդեկերտվածքը։ Սրանք գաղափարը, ստեղծարար տաղանդը, ազգայինը, հայրենիքը, արժանապատվությունն ու մեր ինքնության արժեքները մերժող դավաճանների հավաքականություն են, պետականությունն ու ազգային միասնականությունը մերժող հավաքածու։ Սրանք հատակի ձայնն են ու հատակի բնազդները․․․
 
Սա իրապես ինքնախոստովանական խոստում է, առանձնացրու ազգից նրա ինտելեկտուալ էլիտան և պարզ է, թե հատակում ինչ կմնա․․․
Այնուամենայնիվ, հիշեցնեմ, որ սրանց ձայն է տվել ՀՀ-ում ընտրողների 26.48%-ը․ 687414 քաղաքացի, նախորդ ընտրություններից մոտ 200.000-ով պակաս։
 
Իսկ ես և մենք հպարտ ենք և անսահմանափակ երախտապարտ, որ մեզ աջակցող «ինտելեկտուալ ապուշների» մեջ էին ակադեմիկոսներ, մեր ժամանակի լավագույն գրողները, ժողովրդական արտիստներ, մշակույթր վաստակավոր գործիչներ և երախտավորներ, տասնյակ դոկտոր-պրոֆեսորներ, պետական մրցանակի դափնեկիրներ։
 
Ապագան մերն է, մեր հետ է մեր ազգի էլիտան։ Իսկ էլիտաները մերժող իշխանությունը անփառունակորեն կույր է և ամուլ։
Ճեղքումը կատարված է, պետականության փրկության պայքարը շարունակվում է․․․»։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը