Բայդենը թուլություն ցուցաբերեց՝ հրաժարվելով Պուտինի հետ մամուլի ասուլիսից. Պոմպեո

Բանակցություններից հետո Ռուսաստանի նախագահ Վլադիմիր Պուտինի հետ համատեղ մամուլի ասուլիս հրավիրելուց ԱՄՆ նախագահ Ջո Բայդենի հրաժարվելը «անհավանական թուլության» դրսևորում է: Այս մասին հունիսի 15-ին հայտարարել է ԱՄՆ նախկին պետքարտուղար Մայք Պոմպեոն Fox News-ի եթերում:

Նա նշել է, որ ամերիկացի առաջնորդի պահվածքին հետևում են Հյուսիսային Կորեայի նախագահ Կիմ Չեն Ընը, Չինաստանի Ժողովրդական Հանրապետության նախագահ Սի Ցզինպինը և Իրանի Գերագույն ղեկավար Ալի Խամենեին:

«Երբ նրանք թուլություն զգան, երբ զգան թուլության հոտը, կվերացվի զսպման համակարգը, որից կախված է Ամերիկայի հաջող անվտանգությունը»,- ասել է Պոմպեոն:

Նա կարծում է, որ Պուտինը գագաթնաժողովին կժամանի «լիովին զինված»:

Նախկին պետքարտուղարն ասել է, որ ինքը չէր հրաժարվի Վլադիմիր Պուտինի հետ բանավեճին մասնակցելու հնարավորությունից: «Ցանկացած ժամանակ, ցանկացած վայրում»,- ասել է Պոմպեոն: