ՏԵՍԱՆՅՈՒԹ. Հունիսի 20-ին գնացեք մերժեք այս չարիքի կառավարությանը եւ հանգիստ եղեք. մեր երկրում նոր ցնցումներ չեն լինելու. Ի. Սաղաթելյան

Վարչապետի աթոռին հայտնված անձը ունի մեկ գլխավոր եւ հերթական նպատակ՝ մեկ անգամ եւս մոլորեցնել մեր հասարակությանը եւ փորձել վերարտադրվել: Անընդհատ մի տեքստ է կրկնում՝ փորձելով սիրաշահել մեր ժողովրդի վստահությունը՝ ասելով, որ Հայաստանի իշխանության ղեկին է ժողովուրդը, սա ժողովրդի իշխանությունն է, փորձում է ինքն իրեն նույնացնել ժողովրդի հետ: Սա անում է մեկ նպատակով, որր վաղը-մյուս օրն ասի՝ այս ամեն ինչն արել է ժողովուրդը, ժողովուրդն է տվել Արցախը, բերել-հասցրել այս իրավիճակին: Թաքնվում է ժողովրդի թիկունքում, փորձում շարունակել իր դավաճանական գործունեությունը,-ալավերդցիների հետ հանդիպման ընթացքում, ըստ Yerkir.am-ի, հայտարարեց ՀՅԴ Հայաստանի ԳՄ եւ «Հայաստան» դաշինքի ներկայացուցիչ Իշխան Սաղաթելյանը:

Նա հայտնեց, որ գերագույն խնդիրը նրա իշխանությունը կանխելն է, ինչը միասին անելու են հունիսի 20-ին:

«Իշխանությունը կորցնելու վախը էս մարդուն հասցրել է խելագարության աստիճանի: Ձեր այն բոլոր մտահոգությունները, որ ինչ է լինելու հունիսի 20-ից հետո, արդեն մարդկանց հանրահավաքի է հրավիրում, նախագահի խոսքը կրկնեմ՝ ամեն ինչ լավ է լինելու: Դուք հունիսի 20-ին գնացեք մերժեք այս չարիքի կառավարությանը, մնացած հարցերում հանգիստ եղեք. մեր երկրում նոր ցնցումներ չեն լինելու, ամեն ինչ հսկողության տակ է, կարեւորը դուք հունիսի 20-ին գնաք եւ մերժեք այս չարիքի իշխանության վերարտադրությանը: Մենք հույս ունենք, որ միասին կհեռացնենք այս դավաճանների իշխանությանը եւ կկերտենք հզոր ու ուժեղ Հայաստան: