Ակնկալում ենք ձեր աջակցությունը, որպեսզի վռնդենք չարիքի կառավարությանը և ստեղծենք ուժեղ Հայաստան. Ի. Սաղաթելյան

Պատերազմի ողբերգական հետևանքից հետո գործող իշխանությունը հանրային ճնշման և պահանջի տակ նշանակել է արտահերթ խորհրդարանական ընտրություններ։ Այս մասին Եղվարդի ընտրողների հետ հանդիպման ժամանակ ասաց ՀՅԴ Հայաստանի ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը։

«Այս խորհրդարանական ընտրությունները բախտորոշ են մեր երկրի և պետականության համար․ գործող քաղաքական իշխանական խմբակը, որը մեր երկիրը բերեց, հանգեցրեց պատերազմի և իր գործողության արդյունքում ունեցանք աղետալի հետևանքներ, փորձելու է այս ընտրություններում վերարտադրվել»,-ասաց նա՝ հավելելով, որ մեր երկրում կան լուրջ անվտանգային հարցեր, սոցիալ-տնտեսական ճգնաժամ, քաղաքական ճգնաժամ, կառավարման ճգնաժամ։

«Հունիսի 20-ին կա՛մ այս իշխանությունը պետք է վերարտադրվի, և, արդյունքում, այս ճգնաժամը ավելի խորանա ու բերի, հասցնի պետականության կորստի, կա՛մ պետք է հունիսի 20-ին կանխենք այս իշխանության վերարտադրությունը և մեր երկիրը բերենք բնականոն զարգացման հուն»,- ասաց նա։

Մանրամասն՝ տեսանյութում։