Թուրքիայի համար նախատեսված Ֆ-35-ները կփոխանցվեն հույներին. թուրքական լրատվամիջոցներ

ԱՄՆ սենատորներ Մարկո Ռուբիոն և Բոբ Մենենդեսը Կոնգրեսին ներկայացրել են նախագիծ, որով նախատեսվում է հինգերորդ սերնդի Ֆ-35 կործանիչներ վաճառել Հունաստանին։

«Հունաստանին վաճառել Ֆ-35 ռազմական ինքնաթիռները, այդ թվում՝ այն, որոնք չեն փոխանցվել Թուրքիային Ս-400-ների պատճառով»,– ասվում է նախագծում։

Բացի դրանից՝ ԱՄՆ-ից պահանջվում է  Արևելյան Միջերկրական ծովում ստեղծել էներգետիկ կենտրոն և միջոցներ հատկացնել Հունաստանին տարեկան ռազմական օգնության համար:

Հիշեցնենք, որ Թուրքիայի համար նախատեսված Ֆ-35 կործանիչները, որոնց արտադրությունում մեծ ներդրում է ունեցել նաև թուրքական պետությունը, չեն փոխանցվել Թուրքիային ռուսական Ս-400-ների գնման պատճառով։