Թուրքիան չի զիջի կիպրոսցի հույներին

Թուրքիայի վարչապետ Ռեջեփ Թայիփ Էրդողանը հայտարարել է, թե կսառեցնի հարաբերությունները Եվրամիության հետ եւ կդադարեցվեն ԵՄ-ին անդամագրվելու վերաբերյալ բանակցությունները այդմիջազգային կառույցում Կիպրոսի Հանրապետության նախագահության ընթացքում, եթե չլուծվի Կիպրոսի հիմնախնդիրը. տեղեկացնում է Gazeta.ru-ն:

«Քանի դեռ ես Թուրքիայի վարչապետի պաշտոնն եմ զբաղեցնում, երբեք ընդառաջ չեմ գնալու կիպրոսցի հույներին: Մենք արդեն շատ ենք ընդառաջել նրանց»,- ասել է Էրդողանը:

Նշենք, որ Կիպրոսը բաժանվել է երկու մասի 1974 թվականին, երբ Թուրքիան զինված հարձակման միջոցով օկուպացրել է Կիպրոսի 37 տոկոսը, որտեղ վերաբնակեցվել են 35 հազար թուրք զինծառայողներ: