Ստոլտենբերգն առաջարկել է հրավիրել ՆԱՏՕ-Ռուսաստան խորհրդի նիստ

Հյուսիսատլանտյան դաշինքի գլխավոր քարտուղար Իենս Ստոլտենբերգը Բրյուսելում կայանալիք գագաթնաժողովի նախօրեին առաջարկել է անցկացնել Ռուսաստան-ՆԱՏՕ խորհրդի նիստ. hայտնում է Die Welt թերթը:

«Ես կցանկանայի Ռուսաստանին հրավիրել՝ մասնակցելու Ռուսաստան-ՆԱՏՕ խորհրդի նիստին: Մենք շատ թեմաներ ենք կուտակել քննարկման համար»,- հավելել է նա:

Ըստ Ստոլտենբերգի՝  ինքն առաջարկել էր, որ Մոսկվան նոր հանդիպում անցկացնի մոտ մեկ տարի առաջ, բայց դրական արձագանք չէր եղել:

Քննարկման հիմնական թեմաների շարքում են՝ մտքերի փոխանակում ռազմական զորավարժությունների վերաբերյալ և յուրաքանչյուր կողմի ռազմական գործունեության «բավարար թափանցիկություն»՝ օդում և ծովում չկանխամտածված պատահարներից խուսափելու համար:

«Ներկայումս Ռուսաստանի և ՆԱՏՕ-ի հարաբերությունները հասել են ցածր կետի, ինչը չէր նկատվում սառը պատերազմի ավարտից ի վեր: Կարծում եմ, որ երկխոսությունը լարվածությունը թուլացնելու լավագույն միջոցն է»,- ամփոփել է Ստոլտենբերգը: