Փոխարժեքներ
27 06 2025
|
||
---|---|---|
USD | ⚊ | $ 384.32 |
EUR | ⚊ | € 450.23 |
RUB | ⚊ | ₽ 4.8933 |
GBP | ⚊ | £ 527.56 |
GEL | ⚊ | ₾ 141.11 |
Թուրքիայի խոշորագույն բանկերից մի քանիսը չեն ցանկանում ֆինանսավորել Թուրքիայի նախագահ Ռեջեփ Թայիփ Էրդողանի նախատեսած՝ Ստամբուլի ջրանցքի շինարարությունը` բնապահպանական մտավախությունների և հսկայական շինարարական նախագծի հետ կապված ներդրումային ռիսկերի պատճառով. հայտնում է Reuters-ը։
«Չեմ կարծում, որ մենք կկարողանանք մասնակցել Ստամբուլյան ջրանցքի ֆինանսավորմանը: Դա կարող է որոշ բնապահպանական խնդիրներ առաջացնել»,- նշել է բանկիրներից մեկը՝ խնդրելով չհրապարակել իր անունը:
Թուրքական վեց բանկ, ներառյալ՝ Garanti Bank-ը, Is Bank-ը և Yapi Kredi-ն, ստորագրել են ՄԱԿ-ի աջակցությունը վայելող «Պատասխանատու բանկային գործունեության սկզբունքները», որոնք ստորագրողներին կոչ են արվում խուսափել մարդկանց և մոլորակին վնասելուց:
Թուրքական բանկերի մեծ մասի համար, հատկապես՝ եվրոպական հովանավորներ ունեցողների, ռիսկերը չափազանց մեծ կլինեն: