Խելագար սեր

Աշխարհահռչակ ռեժիսոր Մարտին Սկորսեզեն Սեմ Քաշների և Նենսի Շոնբերգերի «Խելագար սեր» (Furious Love) գրքի հիման վրա նկարահանելու է Էլիզաբեթ Թեյլորի և Ռիչարդ Բարթոնի սիրավեպի մասին պատմող ֆիլմ: 

Paramaount Pictures-ը, որը զբաղված է ֆիլմի արտադրությամբ, ավարտին է հասցնում կազմակերպական աշխատանքները:

Բարթոնը եւ Թեյլորը ծանոթացել են «Կլեոպատրա» ֆիլմի նկարահանումների ժամանակ: Չնայած երկուսն էլ ամուսնացած են եղել, սակայն բուռն սիրավեպ է սկսվել: 1964 թվականին Թեյլորն ու Բարթոնն ամուսնացել են: 10 տարի անց նրանք ամուսնալուծվել են, ապա 16 ամիս անց՝  կրկին ամուսնացել ու միասին ապրել մինչև 1976 թ.:

Ի դեպ, Թեյլորն ու Բարթոնը 70-ականներին մշտապես տարբեր սկանդալային պատմությունների կենտրոնում էին հայտնվում: