Սիրիան մեղադրել է Թուրքիային 1 միլիոն մարդու խմելու ջրից զրկելու մեջ

Սիրիայի արտաքին գործերի նախարարությունն Անկարային մեղադրել է, որ թուրքական զորքերը 16 օրով զրկել են երկրի հյուսիս-արևելքում գտնվող Հասեքե քաղաքը ջրամատակարարումից: Այնտեղ ապրում է ավելի քան 1 միլիոն մարդ:

«Թուրքական օկուպացիոն ուժերը և նրանց վարձկանները 16 օրով դադարեցրել են քաղաքի և հարակից տարածքների ջրամատակարարումը՝ դադարեցնելով ջրակայանի աշխատանքը Ալլուկում՝ Հասեքեի հյուսիսում»,- ըստ SANA գործակալության՝ կիրակի ասել է Սիրիայի արտաքին գործերի նախարարությունը:

Սիրիայի փոխարտգործնախարար Բաշար Ջաֆարին կոչ է արել ազդել Թուրքիայի վրա ՄԱԿ-ի և Միջազգային կարմիր խաչի ներկայացուցիչների միջոցով:

Պաշտոնական Դամասկոսը մեղադրում է Թուրքիային «Սիրիայի քաղաքացիների համար «անտանելի պայմաններ» ստեղծելու մեջ: 2019-ի հոկտեմբերից, սիրիական տվյալների համաձայն, թուրք զինվորականներն ու նրանց դաշնակիցները 23 անգամ առանց ջրամատակարարման են թողել մեկ միլիոնանոց քաղաքը: