Ռուսաստանն ու Իրանը քննարկել են տարածաշրջանի երկրների դերը Արցախում երկարաժամկետ կարգավորման գործընթացում

Ռուսաստանը և Իրանը կարևորել են Լեռնային Ղարաբաղի հակամարտության երկարաժամկետ քաղաքական ու դիվանագիտական կարգավորմանը հասնելը և քննարկել տարածաշրջանի երկրների դերն այդ գործընթացում: Այս մասին երեքշաբթի հայտնել է Ռուսաստանի արտգործնախարար Սերգեյ Լավրովը Իրանի արտգործնախարար Մոհամադ Ջավադ Զարիֆի հետ բանակցություններից հետո կայացած մամուլի ասուլիսում:

«Մենք քննարկել ենք իրավիճակը Լեռնային Ղարաբաղում՝ հաշվի առնելով Ռուսաստանի միջնորդական ջանքերը, որոնք հնարավորություն են տալիս պահպանելու կայուն հրադադարի ռեժիմը: Մենք շեշտել ենք հակամարտության հետևանքների հաղթահարման կարևորությունը և, ընդհանուր առմամբ, դրա երկարաժամկետ քաղաքական ու դիվանագիտական կարգավորմանը հասնելը՝ արդարության հիմքով, հայ և ադրբեջանցի ժողովուրդների շահերի շրջանակներում։ Նաև քննարկվել է այն դերը, որը կարող են խաղալ տարածաշրջանային երկրները այդ գործընթացում»,– նշել է Լավրովը։