Ադրբեջանի ՊՆ–ի քարտեզներում Սյունիքը, Վայոց ձորը և Գեղարքունիքի ու Տավուշի մի մասն արդեն «ադրբեջանական» են

Ադրբեջանի պաշտպանության նախարարությունը երեկ տարածել է կեղծ քարտեզ, որտեղ Հայաստանի Հանրապետության ինքնիշխան տարածքների մի մասը «ընդգրկվել է» Ադրբեջանի տարածքում:

Թեև Ադրբեջանը մշտապես հայտարարում էր, որ Հայաստանի տարածքները, այսպես կոչված,  «պատմական Ադրբեջանի» տարածքներ են, բայց վերջին պատերազմից հետո ՀՀ տարածքների նկատմամբ ախորժակն էլ ավելի է գրգռվել։

Ադրբեջանցի զինվորականների մասնակցությամն անցկացվող ինչ–որ քննարկման ժամանակ ներկայացված քարտեզում, բացի Սյունիքից, որը գրավելու ցանկության մասին խոսում է ադրբեջանական վերնախավը, «Ադրբեջանի տարածք» են ներկայացված նաև ամբողջ Վայոց ձորը, Գեղարքունիքի մի մասը՝ Սևանա լճի արևելյան ափերով, և Տավուշի արևելյան տարածքները։