«Ազոխն Ադրբեջանի պատմությունն է, մեր պատմական գանձը». Ալիևն այցելել է բռնազավթված Ազոխի քարանձավ

Ադրբեջանի նախագահ Իլհամ Ալիևը, կնոջ Մեհրիբան Ալիևայի և դստեր՝ Լեյլա Ալիևայի հետ, այցելել է Արցախի օկուպացված Վարանդա և Մարտունի շրջաններ: Հադրութում Ալիևը բարձրացրել է Ադրբեջանի դրոշը:

 «...Մենք Ազըխ քարանձավի մուտքի մոտ ենք... Սա աշխարհի հնագույն բնակավայրերից մեկն է: Այն պատկանում է Ադրբեջանի պատմությանը, դա մեր պատմական հարստությունն է:  Հայաստանն ապօրինաբար պեղումներ է իրականացրել այս քարանձավում: Գիտնականներին ապօրինի բերել է այստեղ: Նրանք մեծ վնաս են հասցրել այս քարանձավին և մեր պատմական ժառանգությանը: Նրանք կվճարեն այս ամբողջ վնասի համար: Մենք նրանց կստիպենք: Ազըխի քարանձավը գտնվում է Ադրբեջանում, և այսուհետ ադրբեջանցի գիտնականներն ու նրանց կողմից հրավիրված օտարերկրյա գիտնականները հետազոտություններ կանցկացնեն այստեղ»,- ասել է Ալիևը: