Մեզ Փաշինյանին որպես օրինակ ցույց տվեցին, ասացին, որ Ադրբեջանի համար նման ղեկավար են ցանկանում. Ալիև

Ես շատ բարձր եմ գնահատում քաղաքական երկխոսությունը: Կարծում եմ, որ երկխոսությունը շատ կարևոր է մեր երկրի ապագա քաղաքական համակարգի, դրա կատարելագործման համար: Ես կոչ եմ անում ինչպես «Նոր Ադրբեջան» կուսակցության ներկայացուցիչներին, այնպես էլ անդամներին` ուշադրություն դարձնել այն փաստին, որ մենք որևէ քաղաքական կազմակերպության հետ խնդիրներ չունենք: Ապազգային տարրերի հետ, իհարկե, մենք երբեք չենք կարողանա նստել նույն սեղանի շուրջ, քանի որ նրանք դավաճաններ են, դավաճաններ. «Ենի Ազերբայջան» կուսակցության 7-րդ համագումարում իր ելույթում ասել է Ադրբեջանի նախագահ Իլհամ Ալիևը:

Նրա խոսքով` այդ ուժերը հրահանգներ են ստանում դրսից: «Նրանց էմիսարները գտնվում են օտարերկրյա մայրաքաղաքներում: Այնտեղից այստեղ փող են ուղարկում` ժողովրդին շփոթեցնելու համար, նրանք ուզում են ստվեր գցել մեր փառահեղ հաղթանակի վրա: Նրանք մեզ որպես օրինակ են ցույց տվել Փաշինյանին, նրան անվանել ազնիվ մարդ, անվանել ժողովրդավար: Նրանք ասացին, որ երանի նման առաջնորդ լինի Ադրբեջանում: Այդ դեմոկրատը ձերբակալել է ամբողջ ընդդիմությանը... Նրանց դեմ քրեական գործեր են հարուցվել»,- նշել է Ալիևը: