Փաշինյանն արգելել է «Իսկանդեր» կիրառել Ադրբեջանի երկու ռազմավարական օբյեկտների դեմ. Գաբրելյանովը բացահայտում է ՀՀ ԳՇ պետի հետ զրույցի մանրամասները

Այնուհետև նա մեջբերում է Օնիկ Գասպարյանի խոսքերը. «Պատերազմի երրորդ օրը, որպես բանակի շտաբի պետ, որոշել էի «Իսկանդերը» կիրառել երկու ռազմավարական օբյեկտների՝ Բաքու-Ջեյհան նավթամուղի և մեկ այլնի վրա: Փաշինյանը կտրականապես արգելեց, թեև ռուսները հասկացրել էին՝ դա ձեր գործն է ու ձեր պատերազմն է: Շուշիի անկումից երեք օր առաջ ես Փաշինյանից թույլտվություն խնդրեցի երկու «Իսկանդեր»-ներով հարվածել հակառակորդի կենդանի ուժի հսկայական կուտակմանը հենց Շուշիի ստորոտում: Փաշինյանը կտրականապես արգելեց՝ ասելով, որ համաշխարհային հանրությունը մեզ անիծելու է, եթե միանգամից թշնամու մի քանի հազար զինվոր սպանենք: Միակ անգամ ինձ թույլատրվեց կիրառել «Իսկանդերը»՝ դեպի Շուշի: Ես այն կիրառեցի: Մենք օգտվեցինք դրանից և կարողացանք մի քանի տանկ մտցնել քաղաք: Երկու օր անց հրաման եկավ ինձ՝ թողնել Շուշին և նահանջել»: