Չինաստանը պատժամիջոցներ է սահմանում ԱՄՆ նկատմամբ

Չինաստանի ԱԳՆ-ն պատժամիջոցներ է կիրառելու ԱՄՆ-ի մի քանի ոչ կառավարական կազմակերպությունների դեմ: Այդ կազմակերպություններից մեկը ավելի քան 70 երկրում մշտադիտարկում և մարդու իրավունքների խախտման վերաբերյալ հետաքննություն անցկացնող, ԱՄՆ-ից գործունեություն ծավալող Human Rights Watch կազմակերպությունն է. – ըստ Yerkir.am-ի՝ հայտնում է Reuters գործակալությունը:

Նշենք, որ Չինաստանն այս հակաամերիկյան պատժամիջոցները սահմանում է այն բանից հետո, երբ ԱՄՆ նախագահ Դոնալդ Թրամփը Հոնգկոնգում մարդու իրավունքների վերաբերյալ օրենք ստորագրեց: Ըստ փաստաթղթի՝ ամերիկյան վարչակազմը պետք է հաշվետվություն ներկայացնի օրենսդիր մարմիններին՝ Չինաստանում տեղի ունեցող զարգացումների վերաբերյալ: Օրենքը նաև նախատեսում է պատժամիջոցների սահմանում այն մարդկանց նկատմամբ, որոնք, ըստ Վաշինգտոնի, կագնած են Չինաստանում մարդու իրավունքների խախտման հետևում: