Քարվաճառի դպրոցը գերության նախօրեին (լուսանկարների շարք)

ՀՀ իշխանությունների կողմից 2020 թ. նոյեմբերի 9-ին կնքված ստորացուցիչ համաձայնագրով նոյեմբերի 15-ին առանց կռվի թշնամուն է հանձնվում նաև Քարվաճառի շրջանը, որը վարչականորեն հանդիսանում է Արցախի Հանրապետության Շահումյանի շրջանի հարավ-արևմտյան խոշոր հատվածը (Արցախի Հանրապետության Շահումյանի վարչական շրջանի հյուսիսային հատվածը՝ նախկին խորհրդային Շահումյանի շրջանն ու Գետաշենի ենթաշրջանը, բռնազավթվել է 1991-1994 թթ. տեղի ունեցած Արցախյան առաջին գոյապայքարի ընթացքում):

Նոյեմբերի 9-ի տխրահռչակ համաձայնագրի հետևանքով ԱՀ Շահումյանի շրջանի Քարվաճառ քաղաքի և մեկուկես տասնյակ գյուղական համայնքների թվով շուրջ 3000 բնակիչները պարտադրված լքեցին իրենց շեները, տանելով իրենց հետ այն, ինչ կարող էին: Շատերը, չուզենալով թշնամուն թողնել իրենց քրտինքով ստեղծածը, կրակի տվեցին իրենց տները:

Ստորև ներկայացնում ենք լուսանկարների շարք, որն արել ենք Քարվաճառ քաղաքի Վ. Սարոյանի անվան դպրոցում՝ Շահումյան-Քարվաճառի շրջանը դավադրաբար գերության հանձնելու, իսկ տեղի ազգաբնակչությանը հայրենազրկելու, տնավեր դարձնելու ճակատագրական օրվա նախօրեին՝ 2020 թ. նոյեմբերի 14-ին:

Վ. Սարգսյան