Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 3 տարի առաջ - 2020-11-10 19:50
Քաղաքական

Նոր խորհրդարանական ընտրություններ, ժամանակավոր կառավարության ստեղծում. «Ազգային ճակատի» կոչը

Նոր խորհրդարանական ընտրություններ, ժամանակավոր կառավարության ստեղծում. «Ազգային ճակատի» կոչը
Ռազմական - քաղաքական գործիչ Գևորգ Գևորգյանը տարածել է «Ազգային ճակատ» հայրենասիրական հ/կ-ի կոչը, որը ներկայացնում ենք ստորև.
 
««Ազգային ճակատ» հայրենասիրական հասարակական կազմակերպությունը, որի ստեղծման նպատակն է նպաստել՝
 
● Հայոց ազգային գաղափարաբանության ձևավորմանը և ազգային պետության կերտմանը,
 
● Ի Հայաստան և ի սփյուռս աշխարհի Հայոց ազգային բնավորության և ազգային ներուժի համախմբմանն ու զարգացմանը,
 
● Հայաստանի Հանրապետության և հայ ազգի նկատմամբ միջազգային բարենպաստ վերաբերմունքի և կարծիքի ձևավորմանը։
 
Միանալով ՀՀ ընդդիմադիր քաղաքական ուժերի հայտարարությանը և նկատի ունենալով 2020 թվականի նոյեմբերի 9-ին՝ Հայաստանի Հանրապետության վարչապետի կողմից ստորագրված հայտարարության հետևանքով Հայաստանի Հանրապետությունում ստեղծված ներքաղաքական իրավիճակը, ինչպես նաև հայտարարության ստորագրմամբ Արցախի Հանրապետության հայության՝ որպես բնիկ ժողովրդի գոյապահպանության և կեցության համար ստեղծվող իրական վտանգները, հայ ազգասեր և հայրենապաշտ զավակներին Հայաստանում և Հայկական սփյուռքում, կոչ է անում՝
 
ա/ անհապաղ պահանջել հրավիրելու ՀՀ Ազգային ժողովի արտահերթ նիստ՝ քննարկելու նպատակով Հայաստանի Հանրապետության վարչապետի ստորագրած ոչ հայանպաստ հայտարարության իրավազորությունը, Հայաստանի Հանրապետության վարչապետի և կառավարության հրաժարականը, ինչպես նաև Հայաստանի Հանրապետության կողմից Արցախի Հանրապետության ճանաչման հարցը,
 
բ/ անցկացնել Հայաստանի Հանրապետությունում նոր խորհրդարանական ընտրություններ,
 
գ/ Հայաստանի Հանրապետությունում գրանցված հասարակական, քաղաքական կազմակերպությունների և Հայ Առաքելական եկեղեցու, հայ կրոնական հարանվանությունները ներկայացնող կազմակերպությունների հետ խորհրդակցելով՝ նրանց առաջարկությունների հիման վրա ստեղծել ժամանակավոր կառավարություն,
 
դ/ Հայաստանում և Հայկական սփյուռքում ստեղծել ,,Ազգային միասնության ճակատ,, համահայկական շարժում՝ ձևավորելով շարժման համակարգման կազմակերպական մարմին,
 
ե/ Հայաստանի Հանրապետությունում և Հայկական սփյուռքում հրավիրել հայկական քաղաքական, հասարակական կազմակերպությունների ներկայացուցիչների խորհրդաժողովներ՝ քննարկելու համար Հայաստանի Հանրապետությունում և Արցախի Հանրապետությունում ստեղծված ներքաղաքական իրավիճակը և նպաստելու դրա հանգուցալուծմանը ՝ ազգային համաձայնության , միասնության, համախմբման հիմքի վրա, ուղենիշ ունենալով ազգային ջանքերի և կարողությունների մեկտեղմամբ պայքարել Արցախի Հանրապետության միջազգային ճանաչման համար»:
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը