Ալիևը հայտարարել է Ադրբեջանում սոցիալական ցանցերի ժամանակավոր սահմանափակումների մասին

Ադրբեջանի նախագահ Իլհամ Ալիևը հայտարարել է, որ Ադրբեջանում սոցիալական ցանցերի աշխատանքի ժամանակավոր սահմանափակումներ կան Ղարաբաղում մարտերի պատճառով:

«Դրանք ժամանակավոր սահմանափակումներ են: Դրանք կիրառվել են բախումների սկզբից հետո: Մենք մեր ժողովրդին հայտարարեցինք, որ դա ազգային անվտանգության խնդիր է, քանի որ նման իրավիճակում մենք պետք է մեր տեղեկատվական համակարգը պաշտպանենք հայկական սադրանքներից: Այսպիսով՝ դա ժամանակավոր է: Հենց բախումների ակտիվ փուլը ավարտվի, այս բոլոր սահմանափակումները կվերացվեն: Բայց ես կարող եմ ձեզ ասել, որ ինտերնետի ծածկույթը շատ լայն է: Ադրբեջանցիների 80% -ից ավելին ինտերնետ օգտագործողներ են»,- ասել է Ալիևը ճապոնական Nikkei թերթին տված հարցազրույցում: