Սոցիալական ցանցերի խափանումից հետո փլուզվեցին նաև ամերիկյան շուկաները

Facebook-ի և այլ սոցիալական ցանցերի զանգվածային խափանումից հետո փլուզվել են նաև ամերիկյան շուկաները: Հոկտեմբերի 4-ին նվազել են հիմնական ինդեքսները: Ինչպես նշում է The Wall Street Journal-ը, շուկան  ներքև է քաշել տեխնոլոգիական բաժնետոմսերը:

Այսպես կոչված՝ FANG ընկերությունները (Facebook, Amazon, Apple, Netflix և Google) մեկ գիշերվա ընթացքում հավաքականորեն կորցրել են 243 միլիարդ դոլար կապիտալիզացիա: Պարբերականը նշում է, որ սա շուկայի ամենամեծ կորուստն էր 2020 թվականի հոկտեմբերից ի վեր: Alphabet-ը կորցրել է ավելի քան 3 տոկոս, Amazon-ը` 2,85 տոկոս, Netflix-ը` 2,6 տոկոս, Apple-ը`2,4 տոկոս, Microsoft- ը` 2 տոկոսից մի փոքր ավելի:

Facebook-ի արժեթղթերը ավելի շատ են տուժել, քան մյուսները. առևտրի ավարտին տեխնոլոգիական հսկայի բաժնետոմսերը նվազել են ավելի քան 5 տոկոսով, իսկ կապիտալիզացիան նվազել է 50 միլիարդ դոլարով: