Փոխարժեքներ
28 10 2024
|
||
---|---|---|
USD | ⚊ | $ 387.13 |
EUR | ⚊ | € 418.76 |
RUB | ⚊ | ₽ 3.98 |
GBP | ⚊ | £ 502.61 |
GEL | ⚊ | ₾ 141.68 |
Արգենտինայի հայ համայնքը հոկտեմբերի 10-ին երթ է իրականացրել է դեպի Թուրքիայի և Ադրբեջանի դեսպանատներ:
Diario Armenia պարբերականը տեղեկացնում է, որ երթը կազմակերպվել է Արգենտինայում հայկական ինստիտուտների (IARA) ջանքերով:
Բողոքի բազմամարդ երթերը, որոնց ժամանակ պարզվել են «Արցախը Հայաստան է», «Խաղաղություն ենք ցանկանում», «Թուրքերը մարդասպաններ են» և այլ գրություններով պաստառներ, գրավել են տեղական մի շարք լրատվամիջոցների ուշադրությունը:
Ադրբեջանի դեսպանատան առջև հայ երիտասարդները համատեղ հայտարարություն են ընթերցել, որում ասվում է. «14 օր շարունակ մեր քույրերն ու եղբայրները, մեկ բռունցք դարձած, դիմակայում են հակառակորդի դաժան հարձակումներինը և միայնակ հակահարված են տալիս զավթիչին, որը ցանկանում է գրավել այն, ինչ մերն է»:
Այնտեղից հայ համայնքը երթով շարժվել է դեպի թուրքական դեսպանատուն, որտեղ բարձրաձայնել է, որ «հենց Թուրքիան է ցեղասպանություն իրականացրել հայերի, ասորիների և պոնտացի հույների դեմ 105 տարի առաջ»: «Որտե՞ղ է և ի՞նչ է անում միջազգային հանրությունը՝ կանգնեցնելու համար այս նոր արյունարբու ինքնահռչակ սուլթանին»,- նշել են երթի մասնակիցները: