Պեսկովը՝ ԼՂ-ում սիրիացի գրոհայինների վերաբերյալ Ասադի հայտարարության մասին

Ռուսաստանի նախագահի մամուլի քարտուղար Դմիտրի Պեսկովը մեկնաբանել է ՌԻԱ «Նովոստի»-ի հետ զրույցում Սիրիայի առաջնորդ Բաշար Ասադի ասածը Ղարաբաղում Սիրիայից ահաբեկիչների գտնվելու մասին` հայտարարելով, որ Կրեմլում ուշադիր ծանոթանում են պետությունների ղեկավարների բոլոր հայտարարություններին։

Հիշեցնենք՝ ԶԼՄ-ի հետ զրույցում Ասադը հայտարարել էր, որ Սիրիայից գրոհայիններին տեղափոխում են Ղարաբաղ, ու Թուրքիան Սիրիայից ու այլ երկրներից ահաբեկիչներին օգտագործում է Լեռնային Ղարաբաղում։ Բացի այդ՝ նա հայտարարել էր, որ Թուրքիայի առաջնորդ Էրդողանն է Ղարաբաղում հակամարտության նոր գալարի գլխավոր նախաձեռնողը։

«Մենք ուշադիր ծանոթանում ենք պետությունների ղեկավարների բոլոր հայտարարություններին»,- ասել է Պեսկովը՝ ի պատասխան այն հարցին, թե արդյո՞ք Կրեմլը ծանոթացել է Ասադի հայտարարություններին։