ՄԱԿ-ի գլխավոր քարտուղարն ընդգծել է Աֆղանստանում խաղաղ կարգավորման անհրաժեշտությունը

ՄԱԿ-ի գլխավոր քարտուղար Անտոնիու Գուտերեշը նշել է Աֆղանստանում խաղաղ կարգավորման հասնելու անհրաժեշտությունը՝ դատապարտելով երկրի փոխնախագահ Ամրուլա Սալեհի դեմ կատարված մահափորձը: Սեպտեմբերի 9-ին այս հայտարարությամբ հանդես է եկել միջազգային հանրակցության վարչական ղեկավարի պաշտոնական ներկայացուցիչ Ստեֆան Դյուժարիկը:

«Գլխավոր քարտուղարը վճռականորեն դատապարտում է այսօր Քաբուլում կատարված հարձակումն առաջին փոխնախագահ Ամրուլա Սալեհի պաշտոնական ավտոշարասյան վրա, որի հետեւանքով զոհվել եւ տուժել են տասնյակ խաղաղ բնակիչներ»,- ասվում է հաղորդագրության մեջ, որը հրապարակվել է համաշխարհային կազմակերպության կայքում:

Գուտերեշը վերստին հավաստում է ՄԱԿ-ի հանձնառությունն «աջակցելու Աֆղանստանի ժողովրդին եւ կառավարությանն այդ կարեւոր նախաձեռնության»՝ դիվանագիտության միջոցով իրադրության կարգավորման հարցում:

Պայթյունը որոտացել Է սեպտեմբերի 9-ին Քաբուլի կենտրոնում՝ փոխնախագահի ավտոշարասյան ընթացքի ճանապարհին: Սալեհի խոսքով՝  ինքը լրջորեն չի տուժել՝ ստանալով դեմքի ոչ մեծ այրվածքներ եւ ձեռքի վնասվածք: Ըստ տեղական հեռուստատեսության՝անվտանգության ծառայությունների ներկայացուցիչները հայտնել են, որ առնվազն 10 մարդ զոհվել է, եւս 15-ը՝ վիրավորվել: Հարվածի ալիքից լրջորեն տուժել են մերձակա շենքերը: