Պահի պահանջված պարտիզանները. Սերոբ Սահակյանի գրառումը

Սփյուռքահայ հասարակական-քաղաքական գործիչ Սերոբ Սահակյանն իր էջին տեղադրել է ՀՅԴ Հայաստանի և Լիբանանի կառույցների ներկայացուցիչների և անդամների համատեղ լուսանկարը և կատարել հետևյալ գրառումը.

«Այս վերջին ամսվա ընթացքում չկա օր, որ սա համացանցը չանդրադառնա Լիբանանին օգնելու հրամայականին:

Չկա օր, որ համացանցը չանդրադառնա Հայաստանի, սփյուռքի ազգային շատ մարմինների մոլեգնած աշխատանքին:

Չկա օր, որ համացանցում չերեւան այն նույն խենթերը, որոնք ամիս առաջ Տավուշ էին, տարի առաջ Թալիշ ու այնպես:

Նաեւ չկա օր, որ նույն համացանցի հերոսները չքննարկեն, իրենց չար հոգուն հարիր չաղավաղեն տարված սուրբ գործը:

Այնուհետեւ ու հակառակ ագռավների կղկղանքին:

Նման շատերին ու շատ ավելին, Դաշնակցությունն էլ, հանձինս այս պարտիզանների, ընդունել է հայ Բեյրութի վերականգման մարտահրավերը:

Նման շատերին ու շատ ավելին՝ Դաշնակցութեան միավորներն են, տեղին հիվանդտես, տեղին շինարար, տեղին հացաբեր, տեղին բեռնակիր, արձակուրդ ու հանգիստ չճանաչող ղեկավար, ուշադիր և ուսադիր:

Այսպիսին են դաշնակցական տղերքը:

Այսպիսին են նրանք դաստիարակված իրենց նախահորից:

Այսպիսին է հորդորած ինքնին Քրիսատափորը:

Չկան մեծ թե փոքր գործեր, այլ կան գործեր, որոնք դաշնակցական միավորը վերցնելու է վասն իր ժողովրդին, համապատասխան հայի իր ոգուն թե պահի հրահանգին:

Ով ինչ ուզում է, թող ասի:

Ով ինչ ուզում է, թող շաղակրատի:

Ով որքանն ուզում է, թող կղկղի:

Ես հպարտ եմ իմ տղերքով:

Եթէ այս տղերքի հողաթափերի փոշին գտնեք այլ տեղ:

ԻՆՁ ԱՍԵՔ»:

Հիշեցնենք՝ ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանն ու ՀԳՄ անդամ Աշոտ Սիմոնյանն այս օրերին հատուկ ինքնաթիռով Լիբանան են ուղեկցել ՀՅԴ Հայաստանի Գերագույն մարմնի և «Երկիր» հիմնադրամի «Օգնիր եղբորդ-Լիբանան» ծրագրով պատրաստված սննդամթերքի 1000 արկղ մարդասիրական բեռը: 

Տե՛ս նաև ՀՅԴ Հայաստանի Գերագույն մարմնի անդամներն այցելեցին Արամ Ա վեհափառին:

Տե՛ս նաև Հոգեհանգիստ Բեյրութում՝ պայթյունի զոհերի հիշատակին. մասնակցել է նաև ՀՅԴ ՀԳՄ ներկայացուցիչը: 

Տե՛ս նաև  ՀՅԴ ՀԳՄ անդամներն այցելել են Լիբանանի Օգնության Խաչի կենտրոն:

Տե՛ս նաև  ՀՅԴ ՀԳՄ ներկայացուցիչն ու ՀԳՄ անդամը հանդիպել են Բուրջ Համուդի քաղաքապետի հետ:   

Տե՛ս նաև  ՀՅԴ ՀԳՄ պատվիրակությունն այցելել է լիբանանահայության վերականգնման մարմնին:   

Տե՛ս նաև ՀՅԴ Լիբանանի ԿԿ-ին փոխանցվեց հայրենիքից առաքված մարդասիրական բեռը: 

Տե՛ս նաև  ՀՅԴ ՀԳՄ պատվիրակությունն այցելեց Բեյրութի հայկական թաղամասերը: