Քուրդ պարտիզանները Թուրքիայում ոչնչացրել են 6 թուրքի

Քրդական՝ Սիրիայի ժողովրդական ինքնապաշտպանության «Աստղ» ջոկատի պարտիզանները դիվերսիոն գործողություններ են իրականացրել «Ազատության ժամանակը» գործողության շրջանակներում Թուրքիայի Հաքքարիի նահանգի Շեմդինլի քաղաքում  Նևա ֆորպոստի դեմ. հայտնում է Fırat գործակալությունը։

Ըստ գործակալության՝ Ժողովրդական ինքնապաշտպանության ուժերի մամուլի կենտրոնը հայտարարություն է տարածել, որում մանրամասն նկարագրվում են Հաքքարի նահանգի արվարձանում գտնվող ֆորպոստում տեղակայված թուրք զինվորների դեմ պարտիզանների կողմից իրականացվող գործողությունները:

Թուրքական օկուպացիոն ուժերի տեղաշարժերը դիտելուց և պարզելուց հետո, պարտիզանները պայթուցիկ նյութեր են տեղադրել այն դիրքում, որտեղ հետագայում տեղակայվել է 6 զինվոր:

«Մեր ուժերը հաջողությամբ գործարկեցին իրենց տեղադրած պայթուցիկ նյութերը և ոչնչացրին 6 զավթիչների»,- ասվում է հայտարարության մեջ:

Գործողությունից հետո թուրքական օկուպացիոն ուժերը տասնյակ քաղաքացիական մեքենաներով և զրահամեքենաներով շտապել են դեպքի վայրը և տարել վիրավորներին, ապա՝ սկսել ռազմական գործողություն, որը չեղարկվել է առանց արդյունքի նույն օրը՝ ժամը 16-ին: