Պենտագոնը հայտարարել է Սիրիայում իր զինվորականներին պաշտպանելու պատրաստակամության մասին

ԱՄՆ-ը մտադիր է ձեռնարկել բոլոր անհրաժեշտ քայլերը Սիրիայում իր զորքերը պաշտպանելու համար, եթե նրանց անվտանգությունը վտանգված լինի. ասել է Պենտագոնի խոսնակ Ջոնաթան Հոֆմանը. հաղորդում է «Ռոսբալտը»:

Այսպես, Հոֆմանը մեկնաբանել է միջադեպը ամերիկացի զինվորականների և ռուսական պարեկային զրահամեքենաների բախման վերաբերյալ: Նա շեշտել է, որ ռուսական կողմին ուղարկվել է նախազգուշացում «վտանգավոր ու անընդունելի պահվածքի» մասին:

Միևնույն ժամանակ, Պենտագոնի խոսնակը նշել է, որ Միացյալ Նահանգները հույս է դնում «Սիրիայում հակամարտությունները կանխելու համար սովորական մասնագիտական աշխատանքին վերադառնալուն»: Նա ռուս զինվորականների գործողությունները որակել է որպես «կանխամտածված սադրիչ և ագրեսիվ պահվածք»` խախտելով հակամարտությունների կանխարգելման համաձայնագիրը:

Հոֆմանը հավելել է, որ Պենտագոնը բարձր է գնահատել միջադեպի ընթացքում ԱՄՆ զինված ուժերի «պրոֆեսիոնալիզմն ու զսպվածությունը»: