Ադրբեջանի ընդդիմության առաջնորդը առաջարկել է ձերբակալել իրեն՝ կուսակիցների ազատ արձակման փոխարեն

Ադրբեջանի ժողովրդական ճակատ կուսակցության նախագահ Ալի Քերիմլին դատապարտել է իշխանություններին՝ իր կուսակցության անդամների նկատմամբ բռնաճնշումների համար: Հուլիսի 29-ին «Օսմանըգազը TV» ինտերնետային կայքի եթերում իր հայտարարության մեջ Քերիմլին առաջարկել է ձերբակալել իրեն՝ ազատազրկված կուսակիցների ազատման դիմաց. հայտնում է Turan.az- ը:

Բացի այդ, Քերիմլին առաջարկել է նաև իր հրաժարականը կուսակցության նախագահի պաշտոնից՝ կուսակցության անդամների ազատության դիմաց:

Նա հիշեցրել է, որ հուլիսի 14-15-ը «ղարաբաղյան ցույցերից» հետո ձերբակալվել են կուսակցության շուրջ 40 անդամ:

Դրանցից 14-ը ձերբակալվել են քրեական մեղադրանքներով, 13-ը`վարչական կարգով:

Քերիմլին նշել է, որ ձերբակալված PFPA- ի անդամներից շատերը հուլիսի 14-15-ը ընդհանրապես չեն մասնակցել հանրահավաքին: Իսկ մնացածները ապօրինի գործողություններ չեն կատարել, չեն ներկայացրել քաղաքական պահանջներ, հետևաբար ակտիվիստների դեմ առաջադրված մեղադրանքները կեղծ են:

Քերիմլին կարծում է, որ Ժողովրդական ճակատ կուսակցությունը դարձել է իշխանությունների թիրախ՝ կոռուպցիայի, մարդու իրավունքների խախտումների քննադատության և սոցիալական խնդիրների լուծման պահանջների պատճառով: «Ռեժիմը բռնաճնշումներ է իրականացնում «Ժողովրդական ճակատ» կուսակցության դեմ, քանի որ այն ընտրազանգվածի բողոքի արտահայտություն է: Յուրաքանչյուր բռնաճնշում ուղղված է նրանց, ում վարչակարգը սպառնալիք է տեսնում իր համար», - ասել է Քերիմլին: