Սիեթլում տեղի ունեցած անկարգություններից հետո 49 մարդ է բերման ենթարկվել

Սիեթլում (Վաշինգտոնի նահանգ) իրավապահ մարմինների աշխատակիցներն արդեն 49 մարդ են բերման ենթարկել հուլիսի 25-ին ծայր առած անկարգությունների պատճառով, որոնց ժամանակ 59 ոստիկան է տուժել: Ինչպես տեղեկացնում է ՏԱՍՍ-ը, այդ մասին ասված է քաղաքի ոստիկանական վարչության կայքում:

Հուլիսի 25-ին ցուցարարները ոստիկանների վրա են նետել հրատեխնիկա, քարեր եւ շշեր: Բերման ենթարկվածներին մեծ մասամբ առաջադրվել են ոստիկանության աշխատակիցներ վրա հարձակման եւ իշխանությունների պահանջին չենթարկվելու մեղադրանքներ:

Ինչպես հուլիսի 23-ին հաղորդել է The Washington Post թերթը, ԱՄՆ-ի նախագահ Դոնալդ Թրամփի վարչակազմը մտադիր է Սիեթլ ուղարկել լրացուցիչ դաշնային ուժեր հանցավորության դեմ պայքարելու, ինչպես նաեւ զանգվածային անկարգությունները ցրելու համար: