Քոչարյանի դատի ժամանակ տեղի ունեցած միջադեպից հետո ոստիկանություն բերման է ենթարկվել 3 անձ

Ավան և Նոր Նորք վարչական շրջանների ընդհանուր իրավասության դատարանի բակում ՀՀ երկրորդ նախագահ Ռոբերտ Քոչարյանի աջակիցների և ակտիվիստ Վարդգես Գասպարիի միջև տեղի ունեցած միջադեպի ընթացքում ոստիկանությունը բերման է ենթարկել 3 անձի:

 «Արմենպրես»-ը  ոստիկանության հասարակայնության հետ կապերի և լրատվության վարչությունից տեղեկացել է՝ ոստիկանության բաժնում է եղել հինգ քաղաքացի,նրանցից  3-ը՝ բերման ենթարկված,իսկ երկուսը հրավիրվածի կարգավիճակով:

Կատարվում է հետաքննություն, այլ մանրամասներ չի հաղորդվում:

Լրատվամիջոցներում շրջանառվող լուրերի համաձայն՝ բերման ենթարկվածների թվում է եղել նաև TV 5 հեռուստաալիքի սեփականատեր Արմեն Թավադյանը։