Իրանին հարվածել են Ադրբեջանից. Ռուսական ԶԼՄ-ներ

Ադրբեջանի Պաշտպանության նախարարությունը հերքել է ռուսական մի շարք լրատվամիջոցների այն տեղեկությունները, ըստ որ ռուսական «Կոնտեյներ» ռադիոտեղորոշիչ սարքերը հայտնաբերել են անհայտ ինքնաթիռներ, որոնց միջոցով հարվածներ է հասցվել Իրանին:

Ռուսական լրատվամիջոցները նշում են, որ իրանա-ադրբեջանական սահմանին սովետական Ս-75 ԶՀԿ-ների կուտակումն ու իրանական ռազմական օբյեկտի վրա անհասկանլի հարձակումը կարող են միմյանց հետ կապ ունենալ։

Ադրբեջանի ՊՆ-ն հերքել է այս տեղեկությունները՝ փորձելով հերթական անգամ մեղքը բարդել «պրոհայկական» ուժերի վրա։

«Այս հաղորդագրությունը, որը տարածվել է պրոհայկական ուժերի կողմից, անհիմն է և կեղծ: Նման տեղեկատվության տարածումը միտված է խարխլել ադրբեջանա-իրանական հարաբերությունները: Պարզ է, որ երկու երկրների միջև բարիդրացիական հարաբերությունները վնասելու նպատակով տեղեկատվության տարածումը ոչ այլ ինչ է, քան կանխամտածված զրպարտություն», - ասվում է երկրի պաշտպանության նախարարությունը: