Բաղդադի միջազգային օդանավակայանը ենթարկվել է հրթիռային հարձակման

Երեքշաբթի լույս գիշերը Բաղդադի միջազգային օդանավակայանի տարածքում երեք հրթիռ է ընկել. հայտնում է իրաքյան «ԻՆԱ» գործակալությունը ՝ վկայակոչելով երկրի մամուլի ծառայությանը:

Գործակալության տվյալներով՝ իրաքյան անվտանգության ծառայությունները մայրաքաղաքի արևմուտքում գտնվող տարածքներից մեկում արդեն հայտնաբերել են մի հրետակոծիչ, որի միջոցով գրոհ է իրականացվել, ինչպես նաև չօգտագործված ռումբեր, որոնք վնասազերծվել են:

Բաղդադի միջազգային օդանավակայանը պարբերաբար դառնում է հրթիռային հարձակման թիրախ, որոնք, որպես կանոն, չեն հանգեցնում էական նյութական վնասների կամ զոհերի բնակչության շրջանում: Ըստ Իրաքի անվտանգության գործակալությունների աղբյուրների, այդ հարձակումների մեծ մասը թիրախավորում են օդանավակայանին հարող ռազմական օդանավակայանը, որտեղ գտնվում են ԱՄՆ-ի զինված ուժերը