Ադրբեջանի իշխանություններն օգտագործում են կորոնավիրուսը ազատությունները ճնշելու համար. Դունյա Միյատովիչ

Եվրախորհրդի մարդու իրավունքների հանձնակատար Դունյա Միյատովիչը ադրբեջանական «Թուրան» գործակալությանը տված հարցազրույցում մեկնաբանել է հունիսի 8-ին Բաքվի «Ենի Յասամալ» թաղամասում ոստիկանական գործողությունները։

Հանձնակատարը նշել է, որ COVID-19 համաճարակի հետ կապված՝ Եվրոպայի խորհրդի շատ երկրներ միջոցներ են ձեռնարկել մարդու կյանքը պաշտպանելու համար և ժամանակավոր սահմանափակումներ են սահմանել հասարակական հավաքույթների և տեղաշարժի ազատության համար:

«Ցավոք, որոշ կառավարություններ, ներառյալ Ադրբեջանի, օգտագործում են իրավիճակը որպես պատրվակ՝ խոսքի և հավաքների ազատությունը ճնշելու համար», - ասել է  Միյատովիչը:

Ըստ նրա, համաճարակի ժամանակ սահմանափակումները չպետք է ծառայեն ազատությանը վերջ տալու համար:

«Ճգնաժամի պայմաններում իրավունքների սահմանափակումը պետք է համապատասխանի օրենքի գերակայության սկզբունքներին, անհրաժեշտությանը և համամասնությանը», - ավելացրեց նա:

 «Ներքին գործերի նախարարին ուղղված վերջին նամակում ես անհանգստություն եմ հայտնել ցույցերի ցրման և հավաքների ազատության սահմանափակման, մասնավորապես ՝ իրավապահ մարմինների կողմից ցուցարարների դեմ ավելորդ ուժի կիրառման վերաբերյալ: Անկասկած, համաճարակի ժամանակ կառավարությունները բախվում են աննախադեպ մարտահրավերների: Այնուամենայնիվ, ճգնաժամը չի կարող արդարացնել ոստիկանության կողմից ավելորդ ուժի, ֆիզիկական բռնության և այլ խախտումների օգտագործումը», - ասել է նա:

Հիշեցնենք, որ հունիսի 8-ին, երեկոյան ժամը 6-ին, տասնյակ ոստիկաններ ռեյդեր էին կազմակերպել Բաքվի  Յասամալ թաղամասի Դադաշ Բունյադզադե փողոցում :

Ոստիկաններն ներխուժել էին տուն, կիսամերկ մարդկանց քաշել փողոց, ծեծել և վիրավորել: Միևնույն ժամանակ, ոստիկանության ծառայողները նկարահանել են այս ամենը տեսանյութերով, այնուհետև տեղադրել այն համացանցում: