ԱՄՆ-ում պատրաստվում են նոր պատժամիջոցներ կիրառել Ռուսաստանի դեմ

ԱՄՆ Կոնգրեսի Ներկայացուցիչների պալատում ԱՄՆ հանրապետական կուսակցության ներկայացուցիչները պատրաստվում են նոր պատժամիջոցներ կիրառել Ռուսաստանի, Չինաստանի և Իրանի դեմ. հայտարարել է կոնգրեսական Գրեգ Ստյուբին Fox Business հեռուստաընկերությանը:

Նա նշել է, որ մի խումբ հանրապետականներ հունիսի 9-ին պալատին ներկայացրել են պատժամիջոցների կիրառման վերաբերյալ համապատասխան առաջարկներ: Ստյուբին ընդգծել է, որ նոր սահմանափակիչ միջոցները կվերաբերեն Ռուսաստանի, Չինաստանի և Իրանի «արտաքին քաղաքականության մոտեցումներին»:

«Իրանի դեմ զենքի էմբարգոն ավարտվում է հոկտեմբերին: Իհարկե, մենք չենք հավատում, որ Չինաստանը և Ռուսաստանը պետք է զենք մատակարարեն Իրանի իշխանություններին», - շեշտել է նա:

Ստյուբին հավելել է, որ պատժամիջոցներ են նախապատրաստվում նաև Լիբանանի դեմ: Մասնավորապես, Վաշինգտոնը մտադիր է Բեյրութին զրկել ամերիկյան ֆինանսական օգնություն ստանալու հնարավորությունից: Իր հերթին հեռուստաալիքի լրագրողը նշել է, որ Իրանին սպասում է ԱՄՆ կողմից «երբևէ պատժամիջոցների ամենամեծ փաթեթը»: