Իրաքում ձերբակալվել է ալ-Բաղդադիի հնարավոր իրավահաջորդը

Իրաքի հատուկ ծառայությունները ձերբակալել են Աբդել Նասեր Քարդաշին՝ «Իսլամական պետություն» ահաբեկչական կազմակերպության հնարավոր նոր պարագլխին. այս մասին տեղեկացնում է Alsumaria հեռուստաալիքը։

«Ձերբակալությունը կատարվել է մայիսի 20-ին, հավաստի տեղեկատվության հիման վրա»,- ասվում է Իրաքի հետախուզության կողմից տարածված հայտարարության մեջ։

Նրա իսկական անունն է Ամիր Մուհամմեդ Սաիդ Աբդել Ռահման ալ-Մաուլյա։ Նա ծնվել է 1976 թվականին Իրաքում և Մոսուլի համալսարանում շարիաթ ուսումնասիրել։

Ըստ ԶԼՄ-ների՝ նա ԻՊ նոր առաջնորդ  է նշանակվել 2019 թվականի հոկտեմբերին՝ Աբու Բաքր ալ-Բաղդադիի ոչնչացումից ժամեր անց։

Որոշ տվյալների համաձայն՝ նա ալ-Բաղդադիի հետ ծանոթացել է 2004 թվականին, Իրաքում գտնվող ամերիկյան բանտում, որտեղ երկուսն էլ եղել են կալանավորներ։

Քարդաշն ամերիկյան ահաբեկչական ցուցակում ընդգրկված է 2015 թվականից։ Բացի այդ՝ Վաշինգտոնը նրա համար հայտարարել է 5 մլն դոլարի չափով պարգևավճար։