ՈՒՂԻՂ. Ունենք հնարավորություն՝ ջարդելու համաճարակի ողնաշարը. վարչապետ

Քիչ առաջ ավարտվեց մեր հերթական ամենօրյա խորհրդակցությունը՝ կապված կորոնավիրուսով պայմանավորված իրավիճակի հետ. այս մասին այսօր՝ ապրիլի 14-ին, իր ֆեյսբուքյան էջում ուղիղ հեռարձակման ժամանակ ասաց ՀՀ վարչապետ Նիկոլ Փաշինյանը:

Նա, մասնավորապես, նշեց. «Երեկ ունեցել ենք 685 թեստ, որիդ դրական է եղել 28-ը: Այս մասին Facebook-ի իր ուղիղ եթերում նշեց Շատ կարեւոր վիճակագրություն ունենք, առաջին անգամ մեր դրական դեպքերը գրեթե կրկնակի ավելի քիչ են, քան առողջացած դեպքերը: Երեկվա դրությամբ մենք 54 առողջացման դեպք ենք ունեցել, դուրսգրում ենք ունեցել: Այս առումով ունենք 786 ակտիվ դեպք, այսինքն ակտիվ դեպքերի որոշակի նվազում ունենք: Սա էլ է առաջին անգամ: Իհարկե, ունենք նաեւ վատ նորություն, եւս երկու մահ ենք ունեցել: Կարող եմ ասել, որ մահվան դեպքերի տարիքային միջինը կազմում է 74,8 է», ու հավելեց՝ այս վիճակագրությունը թույլ է տալիս ասել, որ մենք ունենք հնարավորություն ջարդելու վարակի ողնաշարը: