Աբխազիայում անցկացվում է նախագահի ընտրությունների երկրորդ փուլը

Մարտի 1֊ին Աբխազիայում անցկացվում է նախագահի ընտրությունների երկրորդ փուլը։

Ինչպես հայտարարել է Կենտրոնական ընտրական հանձնաժողովի նախագահ Դմիտրի Մարշանը`  Հանրապետությունում ընտրողների ընդհանուր տոկոսը ժամը 15։00-ի դրությամբ կազմել է 43%, կամ 62842 մարդ։

Մոսկվայում քվեարկել է 1450 մարդ, Չերքեսկում՝ 1420։

Աբխազիայի նախագահական ընտրությունների երկրորդ փուլը համարվում է կայացած, քանի որ օրվա առաջին կեսին քվեարկությանն արդեն իսկ մասնակցել է բնակչության 43 տոկոսը:
Աբխազիայի նախագահի պաշտոնին հավակնում են առաջին փուլում առավելագույն ձայներ ստացած Բադրա Գունբան (երկրի փոխնախագահը) և էկոնոմիկայի նախկին նախարար, ընդդիմադիր «Աբխազական ժողովրդական շարժում» կուսակցության առաջնորդ Ադգուր Արձինբան։

Հիշեցնենք, որ Աբխազիայում փետրվարի 15-ին կայացած նախագահական ընտրությունների առաջին փուլում նախագահի թեկնածու Բադրա Գյունբան հավաքել էր 46,38 տոկոս, ընդդիմադիր Ադգուր Արձինբան՝ 36,92 տոկոս։