Բաքվում ձերբակալվել է հայկական երաժշտություն լսող քաղաքացի

Ոստիկանության աշխատակիցները օպերատիվ-հետախուզական գործողությունների արդյունքում պարզել են մեքենայում հայկական երաժշտություն լսող անձի ինքնությունը. նա ձերբակալված է. ադրբեջանական ԱՊԱ գործակալությանը հայտնել է Բաքվի ոստիկանության գլխավոր վարչության մամլո ծառայության պետ Էլշադ Հաջիևը:

Ըստ նրա՝ մանրամասները քննվում են, կատարվում  է հետաքննություն:

Նշենք, որ ֆեյսբուքյան օգտատեր Ալեն Ղուլյանը կիրակի տեսանյութ էր հրապարակել՝ հետևյալ գրառմամբ. «Սպիտակցի Հայկոյի և Սուպեր Սաքոյի «Մի գնա» երգը Բաքվի փողոցներում։

Սոցցանցերի ադրբեջանական տիրույթում խուճապ է:

Գրում են, որ հայերը Վրաստանի տարածքով մտել են Բաքու և կարգին ֆռֆռում են»: